تعريف بقسم ميكانيكا باور

فى قسم ميكانيكا باور المفروض تتعلم كل الحاجات دى بتشتغل ازاى

هندسة الميكانيكا هى القسم ((الجوكر))❤️❤️ بالنسبة لكل اقسام هندسة لانه يعتبر الفرش الاساسى لكل المشاريع ,,يعنى بناء كهرباء محطات قوى محطات بترول طيران صناعه اى عمليات انتاجيه بتحتاج مهندس الميكانيكا ,,

والقسم بيهتم بتدريس المواد اللى بتخدم الانتاج والصناعه فى كافة المجالات .. يعنى تصميم تشغيل صيانه تطوير المعدات بالاضافه لعمليات التصنيع المختلفه..ده كله شغل مهندس الميكانيكا

اهم المواد اللى بيتم تدريسها ف الهندسة الميكانيكية

رياضة
ميكانيكا
Thermodynamic
Fluid
heat transfer
التصميم الميكانيكي
الإهتزازات الميكانيكية
ميكانيكا الآلات

ده بالاضافه لدراسة طرق التصنيع واجزاء المعدات والالات وميكانيزمات الحركة وطرق تصميمها وتعديلها وتطويرها باستخدام الطرق العادية او الحاسب الالى ,, قطع المعادن وتشكيلها وكذلك الخواص الميكانيكية للمواد ودراسه تأثير الاجهادات والظروف المختلفه عليها ودى مواد دراسية تقيله تحتاج اجتهاد وتدريب كتير و بتدرس برده ميكانيكا الموائع والتبريد والتكييف

فرص العمل بالنسبة لمهندس الميكانيكا كبيرة والمجالات متعدده ويعتبر من اهم التخصصات الهندسية المطلوبة ف الوقت الحالى ف كل المجالات ...

الاهتمام بالدراسة والتدريب الصيفى بالذات والزيارات المتعدده للمصانع والمحطات والتدريب فيها هيديلك خبره كويسة جدا وكذلك الاهتمام ببرامج الكومبيوتر اللى بتخدم التخصص بتدى المهندس أفضلية كبيرة ف مجال العمل وفرص أفضل ف الحياة العملية ..

لو دخلت ميكانيكا بتلاقى بشكل عام القسم بيقدملك اربع شعب عامه ممكن تشتغل على نفسك فى الشعبه الى انت عايزها بالكوراسات وزى ما قولت ماتستناش حد يجى يعلمك😌

الشعب هى

تصميم
وحراره
وموائع
احتراق او محركات

- التصميم (Design) :

تتعلق هذه الشعبة بتصميم الميكانيزمات أو أجزائها عن طريق تحليل القوى والإجهادات المؤثرة عليها واختيار المواد اللازمة أوالمناسبة لصناعتها
ويتم فيها دراسةعدة مواد مثل :
Materials – Mechanical Design – Theory of Machines – Mechanical Vibrations

2- الحرارة (Thermo – Heat) :

تتعلق هذه الشعبة بدراسة الطاقة الحرارية وانتقالها والعزل الحراري والتبادل الحراري أو بتحويل الطاقة الحرارية لشغل والعكس كما في محطات توليد الكهرباء .. ودراسة المعدات الحرارية كالمبادلات الحرارية وأبراج التبريد والغلايات .. كما يتم فيها دراسة التكييف والتبريد
ويتم فيها دراسة عدة مواد مثل :
Thermo Dynamics – Heat Transfer – Thermal Equipments – Steam Power Station

3- الموائع (Fluids) :

تقوم هذه الشعبة بدراسة السوائل والغاز و سريانه او القوى المؤثرة عليها أو الناتجة منها و كيف يمكننا عمل سريان للمائع داخل خطوط الأنابيب أوكيف نرفع ضغطه اواستخدام طاقتها .. سواء كانت هذه الموائع مياه أو بترول أو زيوت أوغازطبيعي أو هواء .... إلخ .. كما تدرس الأجسام المغمورة في السوائل أو التي تسير داخل الماء أو الهواء .. كما تدرس كيفية توليد الكهرباء عن طريق طاقة المياه أو الرياح .
وأيضا في هذه الشعبة يتم دراسة الهيدروليكس Hydraulics حيث يتم استخدام ضغط السوائل و طاقته
ويتم فيها دراسة عدة مواد مثل :
Fluid Mechanics – Gas Dynamics – Hydraulics – Pumps & Compressors

4- الاحتراق أو المحركات (Combustion – Engines) :

تتعلق هذه الشعبة بدراسة المحركات كما في السيارات وغيرها سواء محركات البنزين أو الديزل بأنواعها وفكرةعملها وأجزائها وحساباتها وكفاءاتها كما يتم دراسة الوقود المستخدم فيها .. أيضا يتم دراسة التوربينة الغازيةGas Turbineالتي تستخدم في محركات الطائرات أو في توليد الكهرباء
ويتم فيها دراسة عدة مواد مثل :
Internal Combustion Engines – Gas Turbine

طيب انا دخلت ميكانيكا قوى و عاوز اخد كورسات اخدها فى ايه!!
Autocad
Solid work
لغة انجليزية
skf bearings
دوائر هيدروليكيه
ICDL
AVR & Arduino
Matlab

طيب كلنا بنسمع ان ميكانيكا باور صعبة و ....و.....الخ لا الكلام ده غلط طبعا انت لو ذاكرت و عملت اللى عليك بضمير👌👌 ان شاء الله الصعب هيبقى سهل المهم تتعلم لوحدك بقى من الكليه المهم انك تتعلم ما تستناش حد يجى يعلمك دور وابحث واشتغل على نفسك لو عايز تبقى فعلا انسان محترم بعلمك ❤️

و زى ما بنقول كل مره علمك هو اللى هيفرق بينك و بين عامل المصنع اللى هتشتغل فيه بعدين